®近排好懶 都無打xanga.. 6/22 畢業禮 讀左咁耐 終於都到呢一日.. 係戈日見到好多人送花 見到好多朋友仔都好開心 仲見番初二既班主任tim 同佢傾左2句 可惜轉個頭佢就走左.. 都未同佢影相.. 好後悔無叫由細細個照顧我到大過既阿姨叔叔同哥哥姐姐 但其實我又怕叫佢地黎又悶親佢地 我自己戈日都差d訓著.. 無親友黎 不過唔緊要啦 同朋友仔一樣咁開心 
6/24 拎畢業証書 終於拎畢業証書.. 真係好開心 諗番轉頭 點解咁快就高三畢業.. 諗番起之前高一 真係日日都係笑 最記得都係教化學戈個魔人布歐 佢真係好正@@ 仲記得佢捉住阿權黎玩tim 整高佢件杉話佢好大隻= = 我又記得同昌坐戈時 上化學堂玩手機 比魔人布歐發現左 不過佢最後捉唔到.. 哈哈 同肥彭坐戈時成日都玩張d紙貼落"背隻"到 諗番真係好低能 戈次成功左 貼住佢"背隻"發現唔到 落樓梯戈時好多人望住佢.... 講番戈日. 拎完畢業証書 可以睇高二既表演 真係好正.. 氣氛好好 諗番高二戈時我都有歡送高三 睇起黎特別hi 最後就傳爉祝 象徵燈火相傳 真係好有意思 係戈日真係有d感動 始終最後一日係培道 特別感觸 校長仲唱歌歡送我地 算唔話得啦.. 6/28 畢業聚餐 大家都著到好勁 係戈日都係周圍同人影下相 呢次真係最後一次咁齊人啦! 所以大家都好珍惜呢次 機會 戈日我知道會食好少野.. 所以一早食左個面加個腸粉.. 好多表演睇 tom 杜 小魚等等唱歌戈part唱得好好 真係幾正~ 我地vod都有表演跳舞 唔知大家覺得好唔好睇呢.. 段片好大 放唔到上黎.. 上台為高三既各位表演 真係好開心 我諗無可能再有呢個機會啦 我都記住你地既歡呼聲 大家都好比臉 係到歡呼 多謝你地! 夜埸仲有去唱k 可惜我太屎 知道自己就醉 所以都係走先.. 廢事比人ko啦= =  vod group
7/3 教業畢業禮 老朋友畢業 點都要去啦 識左10幾年 真係青梅竹馬 戈日撞到人龍 原來佢都有朋友畢業 傾左兩句 之後同老朋友食下飯咁 唔知幾時會再見啦.. 
7/10 初二食飯 金次有成29人去食飯阿 真係多人 去金龍食自助餐 係到吹下水咁 幾開心.. 唔知仲有無下次@@  梁振明@@
 大合照..
| 
